Biełarusa, jaki źbiŭ viełasipiedystku ŭ polskaj Poznani, vyzvalili da suda. Siamja ŭ šoku
Analiz pakazaŭ, što kiroŭca byŭ ćviarozy.
Fota: epoznan.pl
Sudździa vyzvaliŭ da suda taksista ź Biełarusi, jaki ŭ lutym źbiŭ viełasipiedystku ŭ Poznani. Siamja achviary šakavanaja, piša Most.
Nahadajem, trahiedyja adbyłasia 9 lutaha na vuł. Dambroŭskaha ŭ Poznani. 27-hadovaja viełasipiedystka pierajazdžała darohu. Jana nie źlezła z rovara, bo na tym pierachodzie była śpiecyjalnaja zona dla ravarystaŭ.
U hety čas u jaje ŭrezaŭsia aŭtamabil Uber, za rulom jakoha znachodziŭsia 35-hadovy hramadzianin Biełarusi. Dziaŭčynu reanimavali, ale vyratavać jaje nie ŭdałosia.
Analiz pakazaŭ, što kiroŭca byŭ ćviarozy. Ale pakolki jon pavodziŭ siabie dziŭna, u jaho ŭziali analiz kryvi na narkotyki. Analiz vyjaviŭ ślady pryjomu marychuany. Stupień narkatyčnaha apjanieńnia adpaviadała bolš čym pałovie pramile ałkaholu.