Asudžanaja za «abrazu» Karpiankova piensijanierka Iryna Alabovič złamała ŭ kałonii šyjku ściahna
Takuju infarmacyju pieradali inšyja źniavolenyja, jakija kantaktavali z žančynaj, piša dissident by.
U 2022 hodzie, kali žančyna pryjechała ŭ kałoniju, jana złamała šyjku ściahna i praviała bolš za hod u sančastcy. Kostki zraślisia niapravilna i Iryna doŭha čakała jakasnaj dapamohi i prateza. Irynie Alabovič nie vydavali navat chadunki, niahledziačy na toje, što jany byli ŭ kałonii. Dziakujučy svajakam žančyny, prablema vyrašyłasia i ciapier žančyna pieraviedziena ŭ zvyčajny atrad i maje chadunki.
Iryna Alabovič — piensijanierka, była asudžana za kamientary ŭ sacyjalnych sietkach, u tym liku za «abrazu» namieśnika ministra MUS Mikałaja Karpiankova.
Da suda znachodziłasia ŭ SIZA KDB. U vyniku žančynu asudzili na 3 hady źniavoleńnia.
Viadoma, što Iryna maje prablemy ź ciskam i cukrovy dyjabiet.
