Za kolki času možna dajechać ź Minska ŭ Vilniu na rovary?
Pra svoj dośvied pajezdki z adnoj stalicy ŭ druhuju raspavioŭ biełaruski tyktokier.
Šlach ź Minsku da Vilni zaniaŭ u chłopca 8 hadzin. Skryn videa
Aŭtar TikTok-kanała @g.zov vykłaŭ videa, dzie raskazaŭ pra svajo mini-padarožža. Jon vyjechaŭ ź Minska ŭ 5:48. Dla taho, kab skaracić šlach, chłopiec adpraviŭsia na elektryčcy da Hudahaja. Heta kala 150 kiłamietraŭ.
Iz Minska v Vilnius na vielikie ♂️
U Hudahai hieroj videa byŭ u 9:55. Adtul šlach da miažy składaje 10 kiłamietraŭ.
Praz 40 chvilin (10:35) viełasipiedyst byŭ na miažy ŭ biełaruskim punkcie propusku «Łoša». Ź litoŭskaha boku — «Šumsk» (Šumskas).
Pavodle słoŭ hieroja, biełaruskuju miažu jon prajšoŭ vielmi chutka, biez čarhi i ab 11:00 byŭ na miažy ź Litvoj. Praz paŭhadziny (11:30) jon užo vyjechaŭ za miežy pierachoda. Da Vilni zastavałasia 35 km.
Takim čynam, na pierasiačeńnie dźviuch miežaŭ było zatračana krychu mienš za hadzinu.
Pa darozie chłopiec rabiŭ prypynki dla adpačynku. Palubavaŭsia na Kaścioł Śviatoha Michaiła ŭ Šumsku, vypiŭ kavy na zapraŭcy, spyniŭsia pa darozie, kab raźmiacca. Na ŭjeździe ŭ Vilniu jon byŭ u 13:48. A ŭ centry horada — u 14:25.
Takim čynam, usia daroha ad adnoj stalicy da druhoj zaniała 8 hadzin.
Čytajcie jašče:
«Naniaŭ za 5 rubloŭ». Biełarusy zdymajuć tyktoki, čamu nie varta ekanomić na rabotnikach
