Drukarnia razarvała damovu z «Bresckaj hazietaj»
Niedziaržaŭnaja «Bresckaja hazieta» atrymała z drukarni apaviaščeńnie ab tym, što drukarnia nie budzie zaklučać z vydańniem damovu na nastupny hod, paviedamlaje BAŽ.
27 listapada na imia hałoŭnaha redaktara vydańnia Viktara Marčuka pa faksie pryjšoŭ list za podpisam dyrektara «Bresckaj drukarni» Viačasłava Šachleviča. U im adznačałasia, što z 1 śniežnia 2020 hoda «z techničnych pryčyn» hrafik drukavańnia haziety pieranosicca na 15.00 (da hetaha času hazieta drukavałasia ŭ 9.00). A ranicaj 30 listapada ad imia dyrektara drukarni pryjšoŭ jašče adzin faks, što novaja damova z 1 studzienia zaklučacca nie budzie.
«Bresckaja hazieta» — niezaležny štotydniovik (hałoŭny redaktar Viktar Marčuk). Pieršy numar vyjšaŭ 18 listapada 2002 hoda, 18 hadoŭ tamu. Vydajecca na 24 staronkach.
Darečy, u «Bresckaj haziety» jość apieratyŭny i cikavy sajt, dzie vystaŭlajucca artykuły i naviny. Voś jaho adras b-g.by
***
Za try miesiacy ŭ Biełarusi pierastali drukavać «Narodnuju volu», «Kamsamołku», «SN+». «Narodnaja vola» drukavałasia niejki čas pad Maskvoj, ale typahrafija razarvała ź joj damovu, i hazieta časova prypyniła vychad na papiery. Na paŭhoda spyniŭsia vychad «Haziety Słonimskaj».
