U Breście złodziej zalez u bus — a tam akazaŭsia AMAP. Jon skazaŭ, što pamyliŭsia

Žychar Bresta, raniej sudzimy za złačynstva, viečaram pajšoŭ pa dvarovych parkovak. Tam jon padychodziŭ da aŭtamabilaŭ i tuzaŭ za ručki dźviarej. Vyjaviŭšy niezamknionuju BMW, jon zalez u sałon i dastaŭ akulary, FM-madulatar, fłešku, paviedamlaje abłasnaja milicyja.

MUS

Zatym mužčyna praciahnuŭ abśledavańnie parkoŭki. Jaho ŭvahu pryciahnuŭ mikraaŭtobus. Jon tuzanuŭ za ručku, adkryŭ dźviery — i vyjaviŭ u sałonie supracoŭnikaŭ AMAPa.

Siłavikam padazravany skazaŭ, što prosta pamyliŭsia aŭtamabilem. Jaho zatrymali i dastavili ŭ rajadździeł milicyi. Pry sabie ŭ jaho znajšli vykradzienaje. Rečy viarnuli haspadyni na nastupny dzień.

0

0

0

0

0

0