Biełarus 7 hadzin prastajaŭ na kaleniach u kajdankach la ambasady Biełarusi ŭ Kijevie
Ilustracyjnaje fota
Anton Łukašuk, jaki niekalki dzion tamu źjechaŭ ź Biełarusi, 21 listapada bolš jak 7 hadzin prastajaŭ na kaleniach u kajdankach pierad biełaruskaj ambasadaj u Kijevie ŭ znak salidarnaści z represavanymi suajčyńnikami.
Anton paviedamiŭ Svabodzie, što svajoj akcyjaj chacieŭ pryciahnuć uvahu prezidenta Ukrainy Uładzimira Zialenskaha da biezzakońnia, jakoje panuje ŭ Biełarusi, i paprasić jaho spraścić paradak znachodžańnia biełaruskich hramadzian va Ukrainie. Ciapier biełarusy mohuć znachodzicca na terytoryi Ukrainy 90 dzion ciaham paŭhoda biez rehistracyi z mahčymym padaŭžeńniem znachodžańnia, kali dla hetaha buduć padstavy.
Anton kaža, što ŭ Biełarusi jon zajmaŭsia kampjutarnaj hrafikaj i vymušany byŭ źjechać pad pahrozaj mahčymaha kryminalnaha pieraśledu, bo byli abnarodavanyja jahonyja piersanalnyja danyja — jon supracoŭničaŭ z adnym z zabaronienych u Biełarusi telehram-kanałaŭ, zasnavalnikaŭ jakoha ŭklučyli ŭ śpis terarystaŭ. Ciapier jon źviarnuŭsia ŭ konsulstva Polščy va Ukrainie pa atrymańnie humanitarnaj vizy.
