Žurnalistku Tut.by Kaciarynu Barysievič zabrali ŭ SIZA KDB
Hienieralnaja prakuratura paviedamiła ab zaviadzieńni kryminalnaj spravy z-za «vydavańnia doktarskaj tajny» i «pradastaŭleńnia niedakładnaj infarmacyi» pa fakcie hibieli Ramana Bandarenki. Jak paviedamiła pres-słužba viedamstva, «padazravanyja zatrymanyja».
Siłaviki pryjšli da žurnalistki Tut.by Kaciaryny Barysievič, jakaja rychtavała materyjał pra Ramana Bandarenku.
Žurnalistka Kaciaryna Barysievič, jakaja rychtavała hety materyjał, spačatku pierastała vychodzić na suviaź. Jaje dačka skazała, što jana vyjšła ŭ kramu. Nieŭzabavie Kaciaryna ŭ supravadžeńni siłavikoŭ viarnułasia dadomu. Mienš čym praz hadzinu žurnalistku pavieźli nieviadomyja ŭ maskach.
Dačka Kaciaryny Barysievič raspaviała, što ŭ kvatery prajšoŭ pieratrus, zabrali noŭtbuk. Pozna ŭviečary stała viadoma, što noč žurnalistka praviadzie ŭ SIZA KDB. Zaŭtra jaje pavinny dapytać.
