Kiraŭnik HUBAZiKa Karpiankoŭ uznačaliŭ unutranyja vojski i staŭ namieśnikam ministra ŭnutranych spraŭ
BiełTA
Hienierał-major Juryj Nazaranka pryznačany siońnia na pasadu pieršaha namieśnika ministra ŭnutranych spraŭ — načalnika milicyi hramadskaj biaśpieki, paviedamlaje pres-słužba MUS. Raniej zajmaŭ pasadu namieśnika ministra ŭnutranych spraŭ — kamandujučaha ŭnutranymi vojskami.
A Mikałaj Karpiankoŭ staŭ namieśnikam ministra ŭnutranych spraŭ — kamandujučym unutranymi vojskami.
Tut.by
Raniej jon zajmaŭ pasadu načalnika Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj (HUBAZiK) MUS Respubliki Biełaruś.
Hienadź Kazakievič — zachoŭvaje pasadu namieśnika ministra (ale biez prystaŭki «pieršy» i zastajecca načalnikam kryminalnaj milicyi).
Pałkoŭnik Andrej Lubimaŭ pryznačany na pasadu načalnika UUS Viciebskaha abłvykankama. Raniej jon zajmaŭ pasadu pieršaha namieśnika načalnika HUUS Minharvykankama — načalnika kryminalnaj milicyi.
«Sutnaść ciapierašnich pryznačeńniaŭ i pierastanovak u tym, što my nadajom bolšaje značeńnie ŭ MUS sistemie hramadskaj biaśpieki. Vy, napeŭna, heta zaŭvažyli. Tut nichto nie pavinien być u kryŭdzie z raniejšych namieśnikaŭ (ministra ŭnutranych spraŭ, asabliva pieršaha: niama taho, što my nie daviarajem kamuści). Prosta, zychodziačy z našaha dośviedu, situacyi ŭ krainie, apošnich padziej, my pierakonvajemsia i razumiejem, što i ŭ budučyni hramadskaja biaśpieka budzie najvažniejšym napramkam pracy dla našaj milicyi», — skazaŭ Alaksandr Łukašenka.
