Łukašenka: Kiebiču ŭ 1994 hodzie prapanoŭvali mianie fizična likvidavać
Łukašenka raskazaŭ, jak napiaredadni prezidenckich vybaraŭ 1994 hoda Viačasłavu Kiebiču, jaki zajmaŭ tady pasadu staršyni Savieta Ministraŭ, prapanoŭvali fizična likvidavać apanienta, h. zn. Łukašenku, piša BiełTA.
«Vy choć viedajecie, što ŭ mianie na pieršych vybarach stralali? Ale ja nie płakaŭsia. I nie chadziŭ i nie raspaviadaŭ. Kali staŭ prezidentam, mnie prynieśli dakumienty: treba rasśledavać. Ja kažu: pakładzicie ŭ archiŭ KDB. Ja navat nie staŭ rasśledavać hetyja vypadki. Ciapier hetyja dakumienty dzieści pylacca ŭ KDB. A paśla ja daviedaŭsia, što da majho alternatyŭnaha kandydata, Kiebiča (my ž udvaich zastalisia ŭ druhim kruzie), pryjšli «dobrazyčliŭcy» i prapanavali varyjant: my rasstrelvajem tvaju mašynu (jaho, Kiebiča) i Łukašenki, vy zastajaciesia žyvyja, Łukašenka hinie. A pakolki my byli ŭ alternatyvie nacmienam, «zvalim heta ŭsio na Paźniaka i Šuškieviča, na nacyjanalistaŭ», — raspavioŭ Łukašenka.
«Realny byŭ varyjant, i nichto nie raźbiraŭsia. Razvaliŭsia Sajuz, tam jadziernuju zbroju ruchali-pierasoŭvali, jana jašče ŭ nas była na terytoryi, nichto b navat nie raźbiraŭsia ŭ hetym. Kiebič na heta nie pajšoŭ, za što ja jaho ŭsio žyćcio caniu, choć jon byŭ maim alternatyŭnym žorstkim kandydatam, jaki padtrymlivaŭsia Rasijaj tady i hetak dalej. Ja jaho caniŭ, caniu i kožny faktyčna miesiac cikaŭlusia jaho stanam zdaroŭja. Zaŭsiody jaho padtrymlivaŭ. Jon na heta nie pajšoŭ», — zajaviŭ jon.
