Jeŭrasajuz pryhraziŭ Minsku novymi sankcyjami z-za hibieli Ramana Bandarenki
Hibiel 31-hadovaha biełarusa Ramana Bandarenki ŭ Jeŭrasajuzie nazvali «aburalnym i haniebnym vynikam dziejańniaŭ biełaruskich uładaŭ» i zajavili pra hatoŭnaść uvieści dadatkovyja sankcyi suprać Minska.
Pra heta havorycca ŭ zajavie Viarchoŭnaha pradstaŭnika ES pa zamiežnych spravach Žoziepa Barela, apublikavanaj na sajcie Jeŭrasajuza.
«Jeŭrapiejski sajuz užo ŭvioŭ sankcyi ŭ dačynieńni da 55 asob, vinavatych u hvałtoŭnych represijach i zapałochvańni, i hatovy ŭvieści dadatkovyja sankcyi», — havorycca ŭ zajavie.
«ES praciahvaje rašuča asudžać hvałt, jaki ŭžyvajecca biełaruskimi ŭładami suprać mirnych demanstrantaŭ, asob, jakija ŭdzielničajuć u prademakratyčnym ruchu, niezaležnych ŚMI, pradstaŭnikoŭ hramadzianskaj supolnaści abo prostych biełaruskich hramadzian», — adznačyŭ kiraŭnik jeŭrapiejskaj dypłamatyi.
ES čakaje, što biełaruskija ŭłady spyniać hvałt, vyzvalać usich palityčnych źniavolenych i praviaduć rasśledavańnie ŭsich parušeńniaŭ pravoŭ čałavieka, adznačyŭ Barel.