Kastusioŭ sieŭ za adzin stoł z Vaskrasienskim i Špakoŭskim. Navošta?
Telekanał ANT siońnia ŭviečary pakaža prahramu «Abjektyŭna», siarod udzielnikaŭ — Juryj Vaskrasienski, Aleh Hajdukievič, Alaksandr Špakoŭski i staršynia partyi BNF Ryhor Kastusioŭ. U efiry buduć abmiarkoŭvać tak zvany «Kruhły stoł demakratyčnych sił».
Ryhor Kastusioŭ patłumačyŭ «Našaj Nivie», čamu pahadziŭsia na ŭdzieł u pieradačy.
«Ja pryjšoŭ, kab ahučyć svaje ŭmovy ŭdziełu ŭ dyjałohu: 1) vyzvaleńnie ŭsich palityčnych viaźniaŭ; 2) rasśledavańnie faktaŭ hvałtu z boku siłavikoŭ; 3) vykanańnie chacia b dziejnaj Kanstytucyi.
Ja viedaŭ, što budzie šmat krytyki ad kanapnych zmaharoŭ, ale moj udzieł raźličany nie na prychilnikaŭ pieramien, a na tych, chto jašče hladzić televizar i vieryć Łukašenku.
Udzielničać było ciažka, bo troje na adnaho (Vaskrasienski, Špakoŭski, Hajdukievič), treba było ŭzvažvać kožnaje słova, kab jaho nie pierakrucili. Ale niaŭdzieł byŭ by słabaściu», — skazaŭ palityk.
Juryj Vaskrasienski zarehistravaŭ ustanovu «Kruhły stoł demakratyčnych sił» dla arhanizacyi pieramovaŭ z uładami
