Ludzi praciahvajuć nieści kvietki na miesca hibieli Tarajkoŭskaha FOTA
Praz try miesiacy paśla hibieli Alaksandra Tarajkoŭskaha na mietro Puškinskaja ŭ Minsku ludzi ŭsio jašče prynosiać kvietki. Siońnia tam pakłali taksama nacyjanalny ściah.
Usiaho za čas pratestaŭ byli zabityja abo znojdzienyja niežyvymi prynamsi 4 demanstranty, bolš za 1400 źviarnulisia pa miedycynskuju dapamohu.
Mienavita hibiel Tarajkoŭskaha stała simvałam, bo jana trapiła na videa. Tarajkoŭski stajaŭ u biełaj majcy z raskinutymi ŭ baki rukami nasuprać šerahu śpiecnazaŭcaŭ, za niekalki dziasiatkaŭ mietraŭ ad ich, kali jamu strelili prosta ŭ hrudzi. Ad ranieńnia jon pamior na miescy.
Pieršyja tydni łukašenkaŭcy kožnuju noč vyvozili kvietki. Paźniej jany zasypali piaskom z sollu nadpis «Nie zabudziem!» na asfalcie. Narešcie, była zaviedzienaja kryminalnaja sprava suprać dvuch žycharoŭ prylehłaha kvartała, jakija sprabavali adnavić hety nadpis na asfalcie.