Žychar Lachavickaha rajona puściŭ za rul svaju 15-hadovuju siabroŭku. A taja razahnałasia da 120 km/hadzinu i raźbiłasia
Žychar Lachavickaha rajona daŭ prakacicca na svajoj mašynie 15-hadovaj siabroŭcy, a taja trapiła ŭ DTZ i raźbiłasia, paviedamlaje Śledčy kamitet.
Usio adbyłosia viečaram 31 žniŭnia ŭ 19.50 na vulicy Pieršamajskaj u vioscy Huličy. 20-hadovy haspadar aŭtamabila Opel Omega daŭ prajechacca za rulom svajoj 15-hadovaj znajomaj, u jakoj nie było paśviedčańnia kiroŭcy. Mašyna była niaspraŭnaja: na piaredniaj vosi šyn ustanoŭleny pratektary z roznym malunkam. Akramia taho, adna z šyn aŭtamabila niapravilna ŭstalavanaja na kołavy dysk zadniaj vosi.
U adnoj ź viosak rajona niepaŭnahadovaja razahnałasia da 120 km/h, pry maksimalna dazvolenych 40 km/h. Na zakruhleńni darohi jana nie spraviłasia z kiravańniem i ŭrezałasia ŭ prydarožnaje dreva. U vyniku DTZ dziaŭčyna pamierła.
Uładalniku aŭtamabila vystavili abvinavačvańnie pa č.2 art.318 Kryminalnaha kodeksa (Vypusk u ekspłuatacyju technična niaspraŭnaha transpartnaha srodku abo niezakonny dopusk da kiravańnia im). Svaju vinu mužčyna pryznaŭ całkam. Na hety momant jon pad chatnim aryštam.