Žurnalistku Nastu Zacharevič asudzili na 15 dzion aryštu
Žurnalistku Nastu Zacharevič zatrymali 5 listapada ŭ kvietkavaj kramie kala HUMa ŭ Minsku. Raniej jana praviała za kratami siem dzion. Zacharevič stajała kala praśpiekta Niezaležnaści, dzie prachodziŭ marš ludziej ź invalidnaściu. Amapaŭcy kinulisia za joj, paviedamlaje BAŽ.
Taksama prykładna a 16:00 na Maršy ludziej ź invalidnaściu zatrymany Illa Dabratvor, jaki pracavaŭ tam u jakaści žurnalista. Jaho 3 hadziny pratrymali ŭ milicyi, praviali prafiłaktyčnuju hutarku i vyzvalili biez składańnia pratakołaŭ.
U vyniku Nastu Zacharevič tak i nie vyzvalili ź milicyi. Na jaje skłali pratakoły za nibyta ŭdzieł u niesankcyjanavanym mitynhu i niepadparadkavańnie milicyjanieram (23.34 i 23.4 KaAP).
U piatnicu sudździa Leninskaha rajona Minska Julija Šut pryznała žurnalistku vinavataj i pakarała aryštam na 15 sutak. Na volu Nasta Zacharevič vyjdzie tolki 20 listapada.
