Bajden pierachapiŭ u Trampa lidarstva pa hałasach u klučavym štacie

Razmova pra Džordžyju, što daje 16 hałasoŭ u Kalehii vybarščykaŭ.

Pavodle źviestak Fox News, ciapier za Bajdena addadziena 2 młn 449 tysiač 371 hołas, tady jak za Trampa tolki 2 młn 448 tysiač 454 hałasy.

Takim čynam Bajden, jaki dahetul adstavaŭ ad Trampa ŭ Džordžyi, ciapier apiaredžvaje jaho na 917 hałasoŭ. Zastałosia padličyć mienš za 1%, ale padlik prypynieny da ranicy.

Bajden skaraciŭ adstavańnie za košt hałasoŭ, atrymanych u stalicy štata Atłancie (akruha Fułtan).

Kali Bajden pieramoža ŭ Džordžyi, to, pa padlikach Fox News, u jaho budzie 280 hałasoŭ u Kalehii vybarščykaŭ (ciapier u jaho 264 hałasy).

NY Times daść u takim vypadku Bajdenu 269 hałasoŭ (ciapier u jaho 253 hałasy, pavodle vydańnia), śćviardžajučy, što jašče nie ŭsio jasna ŭ Aryzonie (11 hałasoŭ kalehii), dzie Tramp adstaje na 47 tysiač hałasoŭ i pakrysie skaračaje adryŭ. Fox News addaŭ užo pieramohu Bajdenu ŭ hetym štacie.

U svaju čarhu ŭ Piensilvanii Bajden skaraciŭ adryŭ ad Trampa da 18 tysiač. Hety štat daje 20 hałasoŭ u kalehii. Tam jašče ličyć kala 190 tysiač hałasoŭ (krychu mienš za 3%)

Tramp, u jakoha ciapier 214 hałasoŭ u Kalehii vybarcaŭ, harantavana pieramahaje ŭ Paŭnočnaj Karalinie (15 hałasoŭ) i na Alascy (3 hałasy). Zastajecca taksama Nievada (6 hałasoŭ), dzie padlik byŭ prypynieny, ale ź nievialikim adryvam u 11 tysiač pieramahaŭ Bajden.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0