Vybary ŭ ZŠA: Bajden lidziruje ŭ dvuch klučavych štatach, Tramp źbirajecca padavać u sud
Kandydat ad demakrataŭ Džo Bajden zajaviŭ, što atrymaŭ pieravahu ŭ dastatkovaj kolkaści štataŭ, kab pieramahčy ŭ vybarach prezidenta ZŠA, piša BBC.
Na ranicu 5 listapada Bajden maje 253 hałasy vybarščykaŭ suprać 214 hałasoŭ u dziejučaha prezidenta ZŠA i kandydata ad respublikancaŭ Donalda Trampa.
Dla pieramohi adzin z kandydataŭ pavinien atrymać prynamsi 270 z 538 hałasoŭ vybarščykaŭ. Padlik ŭ klučavych — tak zvanych «chistkich» štatach — da hetaha času praciahvajecca.
Ale papiarednija vyniki śviedčać, što Bajden atrymlivaje pieramohu ŭ niekalkich takich štatach. U pryvatnaści, u Mičyhanie i Viskonsinie.
U svaju čarhu Tramp atrymlivaje pieramohu ŭ inšym važnym štacie — Piensilvanii.
Da hetaha času ciažka sprahnazavać vyniki ŭ niekalkich štatach, jakija vahajucca. U pryvatnaści, padlik praciahvajecca ŭ Aryzonie, Nievadzie i Džordžyi.
U Džordžyi papiarednie lidarstva ŭtrymlivaje Tramp, u Aryzonie i Nievadzie — Bajden.
Kali Bajden nie stracić svaje pazicyi ŭ hetych štatach, jon zmoža pieramahčy.
Sam Džo Bajden užo zajaviŭ, što, zychodziačy z hetych vynikaŭ, jahonaja pieramoha «ŭžo zrazumiełaja».
Štab Trampa z takoj acenkaj nie pahadžajecca i abiacaje, što zapatrabuje pieraliku hałasoŭ u Viskonsinie.
Dziejny prezident niedvuchsensoŭna daŭ zrazumieć, što nie addaść pieramohu tak lohka.
Jon abvinavaciŭ demakrataŭ u sprobie «skraści ŭ nas vybary» i zaklikaŭ spynić dalejšy padlik hałasoŭ vybarščykaŭ i raspavioŭ, što maje namier źviarnucca ŭ Viarchoŭny sud.
