Razboj pad Stoŭbcami: pahražajučy pistaletam, para źviazała pradaŭščycu i zabrała 2 tysiačy rubloŭ
Zdareńnie adbyłosia 31 kastryčnika kala 18:30 u vioscy Jačonka, paviedamlaje pres-słužba MUS.
Mužčyna i žančyna zajšli ŭ kramu i pad pahrozaj pradmieta, padobnaha da pistaleta, zabrali ŭ pradavački kala 2 tysiač rubloŭ. Zatym źviazali žančynu skotčam i źbiehli.
Nieŭzabavie paciarpiełaj udałosia vyzvalicca i patelefanavać u milicyju.
Da miesca zdareńnia nakiravali śledča-apieratyŭnuju hrupu i najbližejšyja narady, u tym liku i ŭčastkovaha inśpiektara, jaki pracavaŭ u susiedniaj vioscy. Mienavita jon vyznačyŭ miescaznachodžańnie pary, jakuju ŭ chutkim časie zatrymali. Vykradzienyja hrošy znajšli ŭ žančyny.
Padazravanyja — žychary Stoŭbcaŭ, raniej nieadnarazova sudzimyja 42-hadovy mužčyna i 37-hadovaja žančyna. Vyśvietliłasia, što na złačynstva jany pajšli z mulažom zbroi.
Ciapier jany ŭ iziałatary.
