Na sajcie «Našaj Nivy» budzie časova adklučanaja mahčymaść kamientavańnia
Z 1 listapada pakinuć kamientary pad artykułami na sajcie Nashaniva.by budzie niemahčyma.
Doŭhija hady sajt byŭ zručnaj placoŭkaj dla vykazvańnia pazicyi pa samych roznych temach. Svaje mierkavańni na im štodnia pakidali tysiačy čałaviek.
Adnak padziei apošnich miesiacaŭ, jakija traktujucca mnohimi jurystami jak pravavy defołt, stvaryli peŭnuju niebiaśpieku jak i dla kamientataraŭ, tak i dla Redakcyi.
Mnohim ludziam usio ciažej vykazać u karektnaj formie svaju pazicyju nakont taho, što adbyvajecca ŭ krainie. Pry hetym luboje rezkaje (ale na našu dumku, dapuščalnaje) mierkavańnie ciapier traktujecca čynoŭnikami jak «pahroza nacyjalnalnaj biaśpiecy» i moža vyklikać sankcyi.
Spadziajomsia, što adklučeńnie kamientaroŭ na sajcie — časovaja źjava, i nieŭzabavie my zmožam adnavić dyskusijnuju placoŭku.
