Łanskaja: Na fonie apošnich padziej 60% majho akružeńnia adfiltravałasia
Śpiavačka Alena Łanskaja ŭ prahramie «Markaŭ. Ničoha asabistaha» na telekanale ANT raspaviała, jak źmianiŭsia jaje kruh znosin z pačatkam pratestaŭ.
Padčas intervju śpiavačka zajaviła, što nikoli nie dazvalała sabie mieć karonu na hałavie.
«Ja zaŭsiody pavažliva staviłasia da kožnaha čałavieka ŭ maim žyćci, tamu što liču, što kožny prynosić tabie peŭny vopyt, daje ŭrok, kab ty staŭ lepšym. Napeŭna, mienavita pa hetaj pryčynie ja nie dazvoliła sabie źmianić svaim pohladam, jakija b «piačeńki» mnie ni prapanoŭvali», — skazała Alena Łanskaja.
Pavodle jaje słoŭ, na fonie apošnich padziej prykładna 60% jaje akružeńnia adfiltravałasia.
«Paśla taho jak ja adčuła na sabie ŭvieś toj niehatyŭ ad kalehaŭ, ludziej, jakich ja pavažała raniej, mnie pryjšłosia pastavić na paŭzu znosiny ź niekatorymi ludźmi. Ja spadziajusia, što heta jakim-niebudź čynam chutka vyrašycca, my ŭsio roŭna ŭ adnym cechu, nikudy nie dzieniešsia», — pryznałasia artystka.
