Pavieł Łatuška pra piensii: Horš, čym ciapier, nie budzie dakładna
Što budzie ź piensijami, kali Łukašenka sydzie? Na heta pytańnie adkazaŭ u svaim telehram-kanale Pavieł Łatuška.
«Viedaju, vas strašać tym, što budzie horš, kali ŭłada źmienicca. Prapahanda stvaraje vobraz, byccam vypłaty dapamoh i piensij zaležać ad Łukašenki asabista. Ale ja vas zapeŭnivaju, heta nie tak», — zaznačaje Łatuška.
«U nas raźmierkavalnaja sistema piensij i dapamoh — jany płaciacca z adličeńniaŭ pracujučych ludziej. Hetyja vypłaty napramuju zaležać ad stanu ekanomiki i ŭzroŭniu zarobkaŭ. Ciapier ekanomika Biełarusi znachodzicca ŭ recesii, pracuje nieefiektyŭna. U piensijny fond traplajuć mizernyja sumy, jakija mohuć stać jašče mienš, pakul Łukašenka va ŭładzie. Horš, čym ciapier, nie budzie dakładna!»
«Navat u samy składany pieryjad vychadu z kryzisu siaredniaja zarpłata nie budzie nižejšaj u dalaravym ekvivalencie, čym była na 1 studzienia 2020 hoda. Absalutna realna, što ŭžo praz hod, paśla našaj pieramohi, budzie rost ekanomiki dziakujučy reformam i inviestycyjam, jakich siońnia niama», — reziumuje Łatuška.
