U Žabincy buduć sudzić školnika za kinuty ŭ siłavika kaktejl Mołatava

Jak paviedamlaje prakuratura Bresckaj vobłaści, zdareńnie adbyłosia ŭviečary 11 žniŭnia kala budynka «Biełpošty».

Chłopiec kaža, što nabyŭ butelku ŭ nieviadomych asob u haradskim parku. Jon kinuŭ jaje ŭ milicyjaniera, «paddaŭšysia emocyjam» — siłaviki razhaniali «niesankcyjanavanaje masavaje mierapryjemstva». Jana ŭpała kala słužbovaj mašyny i zaharełasia. Školnik uciok.

Śćviardžajecca, što chłopiec napisaŭ «jaŭku z pavinnaj» paśla taho, jak daviedaŭsia pra zatrymańnie ludziej, jakich padazravali ŭ kidańni kaktejlu Mołatava. U svaim učynku jon raskajvajecca.

Spravu pieradali ŭ sud. Raniej u chłopca nie było prablem z zakonam.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0