Łukašenka znoŭ skazaŭ, što nie trymajecca za ŭładu pasiniełymi rukami
BiełTA
Pra heta jon zajaviŭ siońnia, uzhadniajučy naznačeńnie novych rektaraŭ dziaržaŭnych VNU, piša BiełTA.
«Što tyčycca prezidenta Biełarusi, jon za ŭładu pasiniełymi rukami (šmat razoŭ kazaŭ) nie trymajecca. Pytańnie nie ŭva mnie. Pytańnie ŭ vas: što budzie z vami bieź mianie. Moža być, ja ŭžo zanadta svaju rolu tut pieraaceńvaju, ale ja zaŭsiody hladžu voś na vieteranaŭ učarašnich (mitynh z udziełam vieteranaŭ siłavych struktur), na vas. Vam žyć u hetaj krainie. A što budzie? Vy što dumajecie, jany nas/vas paškadujuć, voś učarašnija, vy bačyli ich? Jany paškadujuć? Dy parvuć na kavałki», — zajaviŭ biełaruski kiraŭnik.
Łukašenka taksama zhadaŭ ab akcyjach pratestu, što prachodziać u niadzieli
«U niadzielu ŭ Minsku budzie naviedzieny paradak.
Bo jany (udzielniki) pa niadzielach u asnoŭnym chodziać. Nu pakazali, čaho jany vartyja. Vy taksama ŭbačyli, dobra. A ciapier treba rastłumačyć usim adzin raz, papiaredzić, a potym nie treba zakałychvać. Raspaviali, patłumačyli, idzicie vyrašajcie, idzicie vučyciesia, kali chočacie. Nie? Vy pavinny, jak rektar, pieršym skazać, zajavić ab tym, što voś takaja kolkaść ludziej vučycca nie chočuć. Nu nie chočuć — nie treba. Chto ŭ vojska, chto pojdzie pracavać ci jašče kudyści. Heta prava vybaru. Asabliva ciapier».
