Milicyja: Partyzanski marš u pikavy momant sabraŭ 7 tysiač čałaviek
Partyzanski marš u Minsku. Fota Nadziei Bužan
Pres-słužba MUS padzialiłasia ŭłasnym bačańniem učarašnich akcyj pratestu.
Paviedamlajecca, što ŭ roznych nasielenych punktach krainy zafiksavana 16 pratesnych akcyj, kolkaść jakich skłała kala 8 tysiač čałaviek.
Najbolšaja kolkaść pratestoŭcaŭ adznačana ŭ stalicy. Pryčym, u pikavy momant zboru ich ahulnaja kolkaść dasiahnuła prykładna 7 tysiač čałaviek.
«U Minsku asobnyja asoby akazvali aktyŭny supraciŭ supracoŭnikam milicyi. Dla praduchileńnia napadu na pravaachoŭnikaŭ užyvalisia śpiecsrodki, zatrymlivalisia najbolš zaŭziatyja ŭdzielniki biesparadkaŭ. U Breście i ŭ Homieli hrupy hramadzian rabili sproby pravieści vuličnyja šeści pa vulicach horada, jakija byli spynienyja supracoŭnikami milicyi», — havorycca ŭ paviedamleńni.
Ahułam učora byli zatrymanyja 280 hramadzian (ź ich u Minsku — 215). Da razhladu ŭ sudzie spraŭ pa administracyjnych pravaparušeńniach u miescy ŭtrymańnia zatrymanych źmieščanyja 237 čałaviek.
