Karpiankoŭ: Heta vy fašysty, a nie my fašysty
Pra heta zajaviŭ kiraŭnik HUBAZiKa Mikałaj Karpiankoŭ u «Hałoŭnym efiry» telekanała «Biełaruś-1».
«My nie dadzim im razburyć krainu. My, viadoma ž, humanna užyviom zbroju ŭ adnosinach da ich, u tym liku i ahniastrelnuju. I samych niebiaśpiečnych «vostrakapytnych» my z vulic prybiarom. Ni za kim z prostych ludziej nichto nie biehaje. Viadziecca nazirańnie, identyfikacyja asob, mnohija asoby ŭžo siabie prajavili na barykadach 9-ha čysła. Idzie praces na vymańnie ich z natoŭpu. Ale jany śpiecyjalna prykryvajucca hramadzianami, jakija jość u natoŭpie… My prajaŭlajem humanizm.
Heta vy fašysty, a nie my fašysty.
Tamu, kali dzieści adbyvajecca zatrymańnie i jano zdajecca z boku vielmi žorstkim, nasamreč heta nie tak. Supracoŭniki vymušanyja ŭžyvać siłu. Ale jašče pa-sapraŭdnamu siłu my ni da kaho nie ŭžyvali», — skazaŭ Karpiankoŭ.
