Prakuror Minska: Praŭładnyja mitynhi znachodziacca ŭ ramkach zakona
Praŭładnyja mitynhi znachodziacca ŭ ramkach zakona, zajaviŭ prakuror Minska Aleh Łaŭruchin u efiry STB.
Fota Nadziei Bužan.
«Ja viedaju, zaraz u internecie i Telegram-kanałach hetaje pytańnie aktyŭna musirujecca: čamu hetych zatrymlivajuć ź niedziaržaŭnaj simvolikaj, a voś hetym možna? Usio ŭ ramkach zakona znachodzicca», — skazaŭ Aleh Łaŭruchin.
«Tyja masavyja mierapryjemstvy, jakija prachodziać ź dziaržaŭnaj simvolikaj, čamu my na ich nie bačym niejkich aktaŭ vandalizmu? Nichto nikoha nie abražaje, niama niejkich płakataŭ, što abražajuć, jak na pikietach (nie budziem dasłoŭna pryvodzić ich źmiest), nichto nie parušaje hramadski paradak. Usio prachodzić mirna, spakojna, u całkam zakonnym klučy», — ličyć prakuror.
Havoračy ab praŭładnych mitynhach i čamu tam nie adbyvajecca zatrymańniaŭ, Aleh Łaŭruchin spasłaŭsia na art. 3 zakona «Ab masavych mierapryjemstvach». «Tam vyrazna pakazana, u jakich vypadkach paradak praviadzieńnia masavych mierapryjemstvaŭ nie raspaŭsiudžvajecca na mierapryjemstvy, jakija arhanizujucca pa inicyjatyvie dziaržaŭnych orhanaŭ», — adznačyŭ jon.