U Kramli prakamientavali abviaščeńnie ŭ vyšuk Cichanoŭskaj
Pravaachoŭnyja orhany Rasii nie majuć pretenzij da eks-kandydata ŭ prezidenty Biełarusi Śviatłany Cichanoŭskaj, ale i abviaščeńnie jaje ŭ miždziaržaŭny vyšuk Maskva nie rasceńvaje jak palityčna matyvavany vypadak. Pra heta ŭ piatnicu zajaviŭ žurnalistam pres-sakratar prezidenta RF Dźmitryj Piaskoŭ, piša TASS.
«U nas niama pytańniaŭ da Cichanoŭskaj, my jaje ŭ vyšuk nie pieradavali, jana była pieradadzienaja ŭ vyšuk biełaruskimi pravaachoŭnikami, a my, u svaju čarhu, majem ź imi adzinuju sistemu i adzinyja abaviazacielstvy», — skazaŭ pradstaŭnik Kramla.
Adkazvajučy na pytańnie, ci padpadaje situacyja ź Cichanoŭskaj pad vypadki, kali adna dziaržava ličyć palityčna matyvavanym pieraśled čałavieka inšaj dziaržavaj, Piaskoŭ skazaŭ: «Nie, nie padpadaje».
