Tramp skazaŭ, što jon samy papularny čałaviek u śviecie paśla Isusa Chrysta
Prezident ZŠA Donald Tramp zajaviŭ, što jon znachodzicca na druhoj pazicyi pa papularnaści ŭ śviecie, jaho apiaredžvaje tolki Isus Chrystos. Pra heta paviedamlaje Independent.
Pry hetym viadoma, što realny rejtynh kiraŭnika Złučanych Štataŭ nie vielmi vysoki, navat unutry krainy. Jaho nie padtrymlivajuć bolš za pałovu amierykancaŭ.
«Dniami niechta skazaŭ mnie: «Ty samy znakamity čałaviek u śviecie». Ja adkazaŭ: «Nie, nie ja». Tady jany spytali: «Chto ž bolš znakamity?». «Isus Chrystos», — adkazaŭ ja», — zajaviŭ amierykanski lidar, adznačyŭšy, što nie źbirajecca spaborničać z Synam Božym.
Aŭdytoryja štata Paŭnočnaja Karalina, dzie vystupaŭ prezident, sustreła hetaje vykazvańnie stanoŭča. Paŭnočnaja Karalina tradycyjna ličycca adnym z najbolš relihijnych i kansiervatyŭnych Štataŭ u ZŠA, dzie bolšaść žycharoŭ padtrymlivajuć Trampa.
Vybary prezidenta ZŠA projduć užo praz dva z pałovaj tydni: 3 listapada.
