V.a. ministra zdaroŭja pra karanavirus: My čakajem, što situacyja budzie składanaj
Pra heta zajaviŭ padčas sustrečy sa studentami Biełaruskaha dziaržaŭnaha miedycynskaha ŭniviersiteta v.a. ministra achovy zdaroŭja Dźmitryj Pinievič, piša BiełTA.
Uletku zachvorvańnie na COVID-19 źniziłasia, zaraz nastupiła tak zvanaja novaja chvala. «Štam budzie pandemičny paŭtara hoda.
My pra jaho zabudziem jak pra pandemičny tolki bližej da leta nastupnaha hoda», — skazaŭ Dźmitryj Pinievič.
Pavodle jaho słoŭ, virus źniziŭ svaju virulentnaść. Tym nie mienš jon pa-raniejšamu ŭjaŭlaje asablivuju niebiaśpieku dla ludziej stałaha ŭzrostu. Zaŭvažana taksama, što ŭ cełym pacyjenty stali maładziejšymi.
Uzrovień zachvorvańnia ciapier prykładna ŭ dva razy nižejšy za viasnovy pieryjad [pa stanie na 15 kastryčnika — 613 vypadkaŭ, maksimum viasnoj byŭ 29 krasavika — 973, zatym bolš za 900 vypadkaŭ fiksavałasia, pavodle źviestak Minzdaroŭja, z 6 pa 26 maja — NN].
Heta tyčycca i kolkaści špitalizavanych. Pačałasia praca pa pieraprafilavańni łožkavaha fondu na pryjom kavidnych pacyjentaŭ.
«My čakajem, što situacyja budzie składanaj. Ale miarkujem, što tyja standarty lačeńnia, jakija byli vypracavanyja jašče viasnoj, dazvolać prajści hetuju situacyju», — adznačyŭ D.Pinievič.
Jon dadaŭ, što ŭ krainu pastupili nizkamalekularnyja hieparyn i preparat remdesivir, jakija vykarystoŭvajucca dla lačeńnia pacyjentaŭ z COVID-19.
Pa słovach Dźmitryja Pinieviča, reakcyja čałaviečaha arhanizma na karanavirus adnaznačna adroźnivajecca ad upłyvu siezonnaha hrypu. Mnohija sa studentaŭ, chto byŭ u reanimacyi, heta bačyli. Ale paralizavać ciapier usie śfiery žyćcia, u tym liku praces navučańnia, budzie hłybokaj pamyłkaj, upeŭnieny jon.
