Mužčyna, jaki napaŭ na abmieńnik u Minsku, zatrymany
Zatrymali padazravanaha ŭ razbojnym napadzie na punkt abmienu valut u Frunzienskim rajonie stalicy. Im akazaŭsia 30-hadovy minčuk, piša SK u svaim telehram-kanale.
Vyśvietlić asobu mužčyny ŭdałosia dziakujučy supadzieńniu bijałahičnaha materyjału, znojdzienaha na kanfiskavanych padčas ahladu miesca zdareńnia abjektach, pa ŭliku danych DNK u HKSE.
Zdareńnie adbyłosia ŭ čaćvier, 24 vieraśnia, u 11:20. Da punkta abmienu valut u Frunzienskim rajonie padyšoŭ nieviadomy. Dačakaŭšysia, kali kasir vyjdzie z punkta na pierapynak, jon padyšoŭ da jaje i pahražajučy pradmietam, padobnym da vybuchovaha prystasavańnia, zapatrabavaŭ pieradać hrošy.
Zabiehšy nazad u pamiaškańnie, rabotnica banka nacisnuła na tryvožnuju knopku. Mužčyna ŭciok ź miesca zdareńnia.
