«Vy budziecie zapatrabavanyja ŭ Novaj Biełarusi»: Śviatłana Cichanoŭskaja ŭračysta adkryła novy navučalny hod u EHU FOTY
Siońnia Śviatłana Cichanoŭskaja ŭziała ŭdzieł u adkryćci novaha navučalnaha hoda ŭ Jeŭrapiejskim humanitarnym univiersitecie ŭ Vilni, paviedamlaje jaje telehram-kanał.
Jana praviała sustreču z rektaram univiersiteta prafiesaram Siarhiejem Ihnatavym i prezidentam ustanovy akademikam Anatolem Michajłavym.
Paśla hetaha Śviatłana vystupiła pierad studentami EHU. Jana pažadała im pośpiechaŭ u vučobie i padkreśliła, što, jak i ŭsie biełarusy, jakim daviałosia vyjechać z krainy, choča, kab usie razam zmahli viarnucca dadomu.
«Vašy viedy, krytyčnaje myśleńnie, svaboda dumki zaŭsiody spatrebiacca ŭ našaj krainie. Vybirajcie toj šlach, jaki vam samim chočacca prajści. I pamiatajcie: jakoj by śfiery vy siabie ni pryśviacili, vy zaŭsiody budziecie zapatrabavanyja ŭ novaj Biełarusi», — skazała jana.
