Sud u Smarhoni apraŭdaŭ žančynu, jakuju vinavacili va ŭdziele ŭ mitynhu. Heta druhi vypadak u horadzie
12 kastryčnika sudździa Smarhonskaha rajona Dźmitryj Damarad spyniŭ spravu ab administracyjnym pravaparušeńni ŭ dačynieńni da Ludmiły Sulžyckaj. Žančynu sudzili za udzieł u niesankcyjanavanym masavym mierapryjemstvie, piša Rehijanalnaja hazieta.
Jak raskazaŭ pravaabaronca Aleś Dzierhačoŭ, za masavym mierapryjemstvam, što adbyvałasia ŭ Smarhoni 20 vieraśnia, žančyna nazirała zdalok. Tym nie mienš, na jaje skłali pratakoł za aktyŭny ŭdzieł.
Ale ŭčora, padčas sudovaha pasiadžeńnia, sudździa pryjšoŭ da vysnovy: vinavataść Ludmiły Sulžyckaj nie dakazanaja.
Darečy, 10 vieraśnia toj ža sudździa apraŭdaŭ smarhonskaha aktyvista Alaksandra Papłaŭskaha. Alaksandr užo adsiedzieŭ siem sutak za drobnaje chulihanstva, jakija prysudziła jamu sudździa Ludmiła Piatrova. Ale chłopiec abskardziŭ pryhavor ŭ abłasnym sudzie.
Spravu nakiravali na pierahlad Dźmitryju Damaradu. Jon całkam apraŭdaŭ aktyvista. Pryčym vioŭ pasiadžeńnie pa-biełarusku.
