Navukoŭcy: Karanavirus moža žyć na ekranach smartfonaŭ i na hrošach da miesiaca
Karanavirus zdolny zachoŭvacca na sensarnych ekranach mabilnych telefonaŭ i banknotach praktyčna da miesiaca pry pakajovaj tempieratury. Pra heta havorycca ŭ daśledavańni navukoŭcaŭ aŭstralijskaha centra hatoŭnaści da baraćby z zachvorvańniami, apublikavanym miedycynskim časopisam Virology Journal, piša RBK.
Jak vyśvietlili ekśpierty, pry tempieratury 20 hradusaŭ virus zastavaŭsia žyćciazdolnym na šklanych pavierchniach da 28 dzion. Škło było abrana dla vyvučeńnia jak materyjał, ź jakim časta kantaktujuć ludzi, pakolki jano vykarystoŭvajecca, u tym liku dla sensarnych ekranaŭ telefonaŭ, bankamataŭ i kas samaabsłuhoŭvańnia. «Ustojlivaść da škła źjaŭlajecca važnym adkryćciom, uličvajučy, što pryłady z sensarnym ekranam <…> nie padlahajuć rehularnaj ačystcy i tamu ŭjaŭlajuć ryzyku pieradačy SARS-CoV-2», — adznačyli navukoŭcy.
Akramia taho, karanavirus ustojlivy i na viniłavych pavierchniach. Vinił užyvajecca ŭ jakaści materyjału dla abarony ekrana mabilnych pryład. Na viniłavaj pavierchni virus zastajecca zaraznym pry tempieratury 20 hradusaŭ toj ža termin, što i na škle.
Daśledčyki zaklikali rehularna dezynfikavać svaje smartfony dla prafiłaktyki infiekcyi.
Akramia škła i viniłu vyžyvalnaść virusa z tymi ž vynikami pravieryli na inšych pavierchniach: palimiernych i papiarovych banknotach, nieržaviejučaj stali. Na bavoŭnie, jak vyśvietlili śpiecyjalisty, SARS-CoV-2 pry toj ža tempieratury zastajecca zaraznym mienšy termin.
