Barel: ES čakaje ad Minska spynieńnia represij u dačynieńni da hramadzian i pačatku dyjałohu
Jeŭrasajuz zaklikaje ŭłady Biełarusi da spynieńnia represij u dačynieńni da hramadzian i pačatku ŭsioabdymnaha nacyjanalnaha dyjałohu, zajaviŭ vysoki pradstaŭnik ES, vice-prezident Jeŭrapiejskaj kamisii Žazep Barel u telefonnaj razmovie z Uładzimiram Makiejem, pra jakuju paviedamlałasia ŭčora, piša «Interfaks».
U hetaj suviazi Barel padkreśliŭ, što Jeŭrasajuz padtrymlivaje prapanovu ałbanskaha staršynstva ŭ ABSIE i budučaha šviedskaha staršynstva ŭ ABSIE ab arhanizacyi sumiesnaha vizitu dla sadziejničańnia dyjałohu ŭ Biełarusi i zaklikaŭ Biełaruś pryniać hetuju prapanovu.
Barel taksama vykazaŭ poŭnuju salidarnaść Jeŭrapiejskaha sajuza z Polščaj i Litvoj u dačynieńni da nieabhruntavanaha i dastojnaha škadavańnia patrabavańnia ŭładaŭ Biełarusi, kab hetyja krainy adklikali svaich ambasadaraŭ i značna skaracili svaju dypłamatyčnuju prysutnaść u Minsku. «Jon padkreśliŭ, što Jeŭrapiejski Sajuz adziny ŭ svajoj pazicyi pa situacyi ŭ Biełarusi. Sproby ŭładaŭ Biełarusi abirać u jakaści mišeni asobnyja krainy ES nie pryviaduć da asłableńnia adzinstva Sajuza», — havorycca ŭ paviedamleńni.
Vysoki pradstaŭnik ES znoŭ paćvierdziŭ, što Jeŭrapiejski sajuz «rašuča vystupaje ŭ padtrymku niezaležnaści i suvierenitetu Biełarusi, zakonnych patrabavańniaŭ i pravoŭ naroda Biełarusi i jaho demakratyčnaha vybaru jak asnovatvornaha faktaru, a taksama padkreśliŭ važnaść zachavańnia kanałaŭ kamunikacyi».
