U rasijskim Chabaraŭsku AMAP razahnaŭ 92-ju akcyju ŭ padtrymku eks-hubiernatara Furhała. Dziasiatki zatrymanych VIDEA
Bajcy AMAPa zatrymali demanstrantaŭ u 92-i dzień pratestaŭ u Chabaraŭsku ŭ padtrymku byłoha hubiernatara Chabaraŭskaha kraja Siarhieja Furhała, piša meduza.io.
Zatrymali, pavodle roznych acenkach, ad 25 da 40 čałaviek. Siarod zatrymanych jak minimum dvoje žurnalistaŭ.
Niaŭzhodnienaja z uładami akcyja pratestu pačałasia kala 12:00 (5:00 pa Minsku) na płoščy Lenina la budynka krajavoha ŭrada. U meryi Chabaraŭska acanili kolkaść udzielnikaŭ u 500 čałaviek, pradstaŭniki apazicyi — u adnu tysiaču čałaviek.
Pratestoŭcy kala paŭhadziny skandavali łozunhi ŭ padtrymku Furhała, paśla čaho prajšli šeściem pa prajeznaj častcy centralnych vulic Chabaraŭska i viarnulisia da budynka ŭrada.
⚡️V Chabarovskie siłoviki razohnali učastnikov akcii v poddieržku Sierhieja Furhała, primieniv hrubuju siłu. Po niekotorym dannym, odin iz zadieržannych nachoditsia v avtozakie biez soznanija. Količiestvo zadieržannych na dannyj momient nieiźviestno.
Vidieo: @teamnavalnykhvpic.twitter.com/OVF0uJA44s
Amapaŭcy pačali razhaniać pratestoŭcaŭ paśla taho, jak demanstranty pačali ŭzvodzić pałatki la budynka rehijanalnaha ŭrada.
Palicejskija papiarednie zapatrabavali prybrać namioty i ŭ vypadku admovy pahražali ŭžyć siłu. Praź niekalki chvilin z budynka ŭrada vyjšli bajcy AMAPa i pačali zatrymańni.