Aryštavany jašče adzin spartoviec — praciŭnik dyktatury
Učora ŭ centry Homiela byŭ zatrymany viadomy trenier spartyŭnych kłubaŭ «Prajd», majstar sportu pa dziudo, padpisant lista spartyŭnaj salidarnaści Kanstancin Palej. Kanstancin paśpieŭ paviedamić, što jon byŭ zatrymany pry vychadzie z kaviarni i znachodzicca ŭ milicyi. Kanstancin paśpieŭ zrabić fota z adździaleńnia, kudy jaho dastavili. Dakładnaha abvinavačvańnia jon na toj momant nie viedaŭ, havorka była pra toje, što jon jechaŭ z dačkoj na rovary z šarykami.
Siońnia adbyŭsia sud, Kanstancinu dali 15 sutak.
Jaho dziaŭčyna Kaciaryna paviedamiła, što doma ŭ jaje prajšoŭ pieratrus.
Raniej za ŭdzieł u pratestach łukašenkaŭcy na 15 sutak aryštavali zorku baskietboła Alenu Leŭčanka. Hety i inšyja aryšty vyklikali chvalu salidarnaści spartoŭcaŭ roznych krain.
