Minabarony — jeŭradeputatam: Narod Biełarusi zrabiŭ svoj vybar
Ministerstva abarony adkazała na elektronny zvarot členaŭ Jeŭraparłamienta.
«Narod Biełarusi zrabiŭ svoj vybar — heta vybar bolš za 80% biełarusaŭ. Raim vam pavažać jaho i ŭstrymacca ad umiašalnictva va ŭnutranyja spravy Biełarusi, zasiarodziŭšy ŭvahu na vyrašeńni ŭnutranych prablem u svaich dziaržavach», — havorycca ŭ paviedamleńni.
U Minabarony adznačyli, što sproby asobnych členaŭ Jeŭraparłamienta kazać ad imia naroda Biełarusi vyhladajuć niedarečna i niepierakanaŭča.
«Armija zaŭsiody była i budzie niepadzielnaj častkaj biełaruskaha naroda, naroda, što nie prymaje naviazvańnia jamu voli zvonku, — padkreślili ŭ viedamstvie. — Uzbrojenyja Siły Biełarusi dastatkovuju kolkaść razoŭ zajaŭlali pra svaju rašučaść i hatoŭnaść abaranić, jak i maje być, terytaryjalnuju cełasnaść, suvierenitet i kanstytucyjny ład krainy. U suviazi z hetym vajskovaje viedamstva nie bačyć sensu dadatkova tłumačyć svaju pazicyju asobnym zamiežnym hramadzianam».