Minenierha: Biełaruś budzie ekanomić $500 miljonaŭ na hod na imparcie hazu paśla ŭvodu BiełAES
Minenierha Biełarusi paćvierdziła płany pa źnižeńni abjomaŭ pakupanaha ŭ Rasii hazu paśla zapusku BiełAES, štohadovy ekanamičny efiekt aceńvajecca ŭ $ 500 młn, paviedamiŭ namieśnik ministra enierhietyki Biełarusi Michaił Michadziuk, piša Interfaks.
«Za košt skaračeńnia abjomaŭ zakuplenaha pryrodnaha hazu my budziem mieć (u suviazi z uvodam BiełAES) kala $ 500 młn štohadovaha ekanamičnaha efiektu. Heta tolki na palivie», - skazaŭ Michadziuk u intervju vydańniu «Biełarusy i rynak».
Pa jaho źviestkach, «poŭnaja pieršaja zahruzka ŭ adzin reaktar abychodzicca prykładna ŭ $130 młn. U hod mianiajecca 25% paliŭnych zborak, h.zn hadavyja vydatki składajuć kala $35 młn». Pry hetym namieśnik ministra padkreśliŭ, što «ŭ dalejšym my patencyjna možam kuplać jaho (jadziernaje paliva) i ŭ inšaha pastaŭščyka — pry ekanamičnaj metazhodnaści i techničnaj mahčymaści jaho vykarystańnia na dadzienym abjekcie».
