Pamior hałoŭny trenier mužčynskaj nacyjanalnaj kamandy pa ciažkaj atletycy Viktar Šaršukoŭ
Siońnia na 68-m hodzie žyćcia pamior viadomy nastaŭnik, hałoŭny trenier mužčynskaj zbornaj Biełarusi pa ciažkaj atletycy Viktar Šaršukoŭ.
Zasłužany trenier Biełarusi Viktar Šaršukoŭ naradziŭsia 27 lutaha 1953 hoda ŭ Chabaraŭsku. Niezadoŭha da raspadu SSSR pracavaŭ hałoŭnym trenieram maładziožnaj zbornaj Savieckaha Sajuza. Taksama ŭznačalvaŭ kamandu pa ciažkaj atletycy CS «Dynama».
U zbornaj Biełarusi pačaŭ pracu z 1992 hoda. Za čas pracy ŭ trenierskim štabie hałoŭnaj kamandy krainy vychavaŭ siemiarych zasłužanych majstroŭ sportu Biełarusi: Siarhieja Łaŭrenava, Alaksandra Aniščanku, Hienadzia Alaščuka, Hannu Baciuška, Siarhieja Łahuna, Vadzima Stralcova i viadomaha hiravika Viktara Kałmuka.
Za svaje pośpiechi na trenierskaj nivie byŭ uznaharodžany miedalom «Za pracoŭnuju dobleść», ordenam Ajčyny III stupieni, ordenam Pašany. Byŭ hanarovym hramadzianinam Navapołacka.
