«Jak adny addajuć zahady, a druhija — padparadkoŭvajucca»: na nastupnym tydni vyjdzie «Revalucyja» Viktara Marcinoviča
Biełaruski piśmieńnik i publicyst Viktar Marcinovič napisaŭ, što na nastupnym tydni vyjdzie z druku jaho raman «Revalucyja». Pra heta jon paviedamiŭ u svaim fejsbuku.
«Ja nasiŭ hety raman u sabie 12 hadoŭ. Jahonyja hieroi zasialali mianie, by pryvidy zakinuty dom.
Najbolš tryvožnyja sceny praryvalisia ŭ maje sny.
U minułym hodzie ja ŭ čarhovy raz uziaŭsia za redakturu i zrazumieŭ, što tekst — hatovy. Pačałasia ruplivaja praca pa pierakładzie i padrychtoŭcy da vydańniaŭ. U śniežni 2019 ja anansavaŭ jaho dla «Ilinterviews».
Ciapier «Revalucyja» isnuje na troch movach.
Pieršym vyjdzie biełaruski varyjant. Šukajcie jaho ŭ kramach naprykancy nastupnaha tydnia.
«Revalucyja» — heta raman pra ŭładu. Ale nie pra palityčnuju ŭładu, a pra tuju hłybinnuju, asabistuju i strašnuju stychiju, jakaja vymušaja adnych — addavać zahady, druhich — padparadkoŭvacca. Pra tuju ŭładu, praha da katoraj tak cikaviła Nicše.
Kali jašče karaciej, hety raman — pra toje, jak adzin dobry čałaviek, paddaŭšysia spakusam, pakrysie pieratvarajecca ŭ kusok haŭna.
Raman vychodzić u vydaviectvie «Knihazbor», pierakładčyk na biełaruskuju — Vital Ryžkoŭ.
Vydaviec u Rasii — «Vriemia» (2020/2021).
Vydaviec u Niamieččynie — Voland und Quist (listapad/śniežań 2020). Pierakładčyk na niamieckuju — Tomas Vajler.
Viktar Marcinovič napisaŭ siem ramanaŭ, raniej vyjšli «Paranoja», «Ściudziony vyraj», «Sfahnum», «Mova», «Voziera radaści», «Noč».
