U Sucharavie — patop. Paškodžana dosyć vialikaja truba. Frunzienski rajon zastaŭsia biez vady

U Sucharavie padtapiła niekalki vulic z-za paškodžańnia vadapravodnaj truby dyjamietram 900 mm u rajonie vuł. Łabanka, 62, paviedamili Minsk-Navinam u «Minskvodakanale».

Tam adznačyli, što heta davoli bujnaja truba, tamu paškodžańnie maje surjoznyja nastupstvy. U pryvatnaści, žychary praktyčna ŭsiaho Frunzienskaha rajona zastalisia albo biez vodazabieśpiačeńnia, albo sa słabym naporam vady.

Zaraz avaryju łakalizujuć, čakajecca, što da 15:30 vodazabieśpiačeńnie pačnie adnaŭlacca.

U Frunzienski rajon nakiravali 5 aŭtacysternaŭ ź pitnoj vadoj, kali spatrebicca bolš, hatovyja pryciahnuć inšuju techniku

Kala 16:00 avaryja była łakalizavana. U damy stała viartacca vada.

0

0

0

0

0

0