BPS-Śbierbank zapuściŭ Fitbit Pay u Biełarusi
BPS-Śbierbank zapuściŭ servis Fitbit Pay, jaki dazvalaje apłačvać pakupki fitnies-branzaletami i razumnymi hadzińnikami Fitbit. Karystacca im mohuć uładalniki kart Visa BPS-Śbierbanka.
Servis pracuje z vykarystańniem technałohii NFC (Near Field Communication). Dla raźlikaŭ treba pryviazać kartu BPS-Śbierbanka da elektronnaha kašalka FitBit. Raźličycca z dapamohaj Fitbit Pay možna ŭ luboj kramie, kafe abo aptecy, jakija prymajuć bieskantaktnuju apłatu. Taksama jany spatrebiacca dla apłaty prajezdu ŭ mietro i na čyhuncy. Karystacca servisam možna jak u Biełarusi, tak i za miažoj.
Usie tranzakcyi nadziejna abaronieny: zamiest źviestak apłatnaj karty farmujecca zašyfravany kluč (tokien). Numar karty i inšyja piersanalnyja źviestki nie zachoŭvajucca na branzalecie abo hadzińnikach i nie pieradajucca pradaŭcam.
Dla zapusku servisu treba ŭstalavać na smartfon dadatak Fitbit i vybrać u im svaju pryłada sa śpisu. Paśla hetaha treba stvaryć elektronny kašalok, abaranić jaho parolem i dadać kartu da kašalka.
Pry apłacie branzaletam treba nacisnuć knopku i kliknuć pa ikoncy kašalka, paśla čaho — uvieści parol, vybrać kartku i padnieści pryładu da terminała. Apłata adbyvajecca imhnienna. Kamisija ŭ Fitbit Pay adsutničaje.
