Futbalisty zbornaj Stasievič, Drahun, Filipienka i jašče 90 hulcoŭ vystupili z asudžeńniem hvałtu VIDEA
93 biełaruskija futbalisty vyšejšaj i pieršaj lih, zamiežnych čempijanataŭ, moładzievaj i nacyjanalnaj zbornych vystupili z asudžeńniem hvałtu ŭ Biełarusi.
«My zapisali hetaje videa, bo nie možam maŭčać! Maŭčać, kali bjuć našych ludziej, siabroŭ, kaleh. My futbalisty z roznych kamand, ale adnoj krainy. My kirujemsia tolki sumleńniem i nieciarpimaściu da ŭsiaho, što adbyvajecca ŭ našaj krainie. My vykazvajem spačuvańni rodnym tych, chto byŭ zabity, chočam vykazać słovy padtrymki ŭsim tym, chto paciarpieŭ, byŭ prynižany, žorstka źbity i skalečany. I zaklikajem spynić hvałt!
My, jak i ŭvieś naš narod, majem pravy i svabody, zamacavanyja ŭ Kanstytucyi: nichto nie pavinien padviarhacca katavańniam, žorstkamu, biesčałaviečnamu ci źnievažalnamu abychodžańniu abo pakarańniu.
Niama inšaha pryvileju, aproč adnaho — pravoŭ čałavieka. My za praŭdu, spraviadlivaść i svabodu! My suprać hvałtu!» — napisali futbalisty pad videazvarotam.
Pa spasyłcy ŭ apisańni videa vy možacie pahladzieć imiony i proźviščy spartoŭcaŭ, jakija asudzili hvałt.