Amierykanskija miedyki vyjavili novuju zahadku karanavirusa. Kletki kaściavoha mozhu patrapili ŭ inšyja orhany
Anatamiravańnie ludziej, jakija pamierli ad karanavirusa, dapamahaje miedykam lepš zrazumieć, jak dziejničaje COVID-19. Apošnija daśledavańni pakazali niepryjemny siurpryz: anatamiravańni ludziej, jakija pamierli ad karanavirusa, pakazvajuć tromby amal va ŭsich orhanach, piša CNN.
Daśledčyki i raniej adznačali źjaŭleńnie trombaŭ (kryvianych zhustkaŭ) u niekatorych pacyjentaŭ z COVID-19, adnak kali raniej miedyki adznačali ŭtvareńnie trombaŭ u bujnych sasudach, to ciapier anatamiravańni pakazvajuć najaŭnaść trombaŭ i ŭ drobnych sasudach.
Tromby znachodziać nie tolki ŭ lohkich (što čakana), ale i ŭ bolšaści astatnich orhanaŭ pacyjentaŭ, jakija pamierli ad karanavirusa.
Anatamiravańni taksama pakazvajuć najaŭnaść bujnych kletak kaściavoha mozhu ŭ sercy, nyrkach i piečani mnohich pacyjentaŭ.
Heta vielmi niezvyčajna, bo, jak praviła, hetyja kletki sustrakajucca tolki ŭ kaściach i lohkich.
