Jak ajcišnica Jaŭhienija, trus Lili i šynšyła Ściapan testavali «Razumny dom» ad A1 FOTY
U fantastyčnych filmach lubiać pakazvać, jak dom supierhieroja ci sakretnaha ahienta kirujecca adnym ščaŭčkom. Praŭda, fantastykaj heta było hod dziesiać tamu. Technałahičnaj ciapier možna zrabić lubuju kvateru. «Naša Nina» pateściła intelektualnuju sistemu «A1 Razumny dom» i pahladzieła, ci zručna žyć u atačeńni hadžetaŭ.
Test-drajv my davieryli čałavieku sa śvietu IT.
Jaŭhienija Šumiejka pracuje teściroŭščycaj u kampanii ScienceSoft, adnoj z rezidentaŭ PVT. A ŭ volny čas zachaplajecca matacykłami i dapamahaje pravodzić respublikanski čempijanat pa endura (heta jazda pa biezdarožžy i spartyŭnych trasach ź pieraškodami na matacykle albo rovary).
«Ja brała ŭroki pa endura ŭ treniera, jaki jakraz źjaŭlaŭsia arhanizataram hetaha čempijanatu. My pasiabravali, i ja vyrašyła, što chaču dapamahać jamu. Adkazvaju ciapier za kaardynacyju vałancioraŭ, rehistracyju ŭdzielnikaŭ», — dzielicca dziaŭčyna.
Jaŭhienija Šumiejka ź jaje hadavancam.
U kvatery Jaŭhienija žyvie razam z dvuma hadavancami: trusam Lili i šynšyłaj Ściapanam. Jany pasialilisia ŭ Jaŭhienii dva z pałovaj hady tamu. Miž saboj nie siabrujuć: Lili raŭnuje, kali Ściapanu dastajecca zašmat uvahi.
«Trusy vielmi razumnyja. Lili viedaje niekatoryja kamandy i dobra reahuje na maju intanacyju. Ale škodzić», — z uśmieškaj raskazvaje minčanka pra hadavancaŭ.
Ściapan tym časam prymaje vannu — voškajecca ŭ akvaryumie z vułkaničnym piaskom (jon zamianiaje šynšyłam vadu dla ŭmyvańnia).
U svaju kvateru Jaŭhienija zajechała hetaj zimoj. Z dyzajn-prajektam adnapakajoŭki-studyi dapamoh siabar. Zadača była kampaktna arhanizavać prastoru, kab znajšłosia miesca i dla spalnaj zony, i dla haścioŭni.
Niekatoryja kamplektujučyja dla mebli minčanka šukała sama, kab zekanomić. Naprykład, ručki dla šafak zamaŭlała na «Aliekspres», dzie jany ŭ try razy tańniejšyja, čym u minskich kramach.
Vialikija kletki dla žyvioł dziaŭčyna ŭbudavała ŭ šafu — tak jany i vyhladajuć stylova, i mienš miesca zajmajuć.
Jak pracuje «A1 Razumny dom»
U našym test-drajvie my praviarali, jak pracujuć pryłady, jakija ŭvachodziać u sistemu «A1 Razumny dom», pradstaŭlenuju ŭ Biełarusi telekam-apierataram A1 sumiesna sa stratehičnym technałahičnym partnioram Perenio IoT: (źleva naprava na fota nižej) datčyk adkryćcia dźviarej, partatyŭnaja kałonka, stacyjanarnaja i pavarotnaja kamiery videanazirańnia, razumnaja razietka Power Link, datčyk dymu i datčyk ruchu.
U kamplekcie akramia pieraličanych hadžetaŭ jość datčyk praciokaŭ, infračyrvony pult Red Atom i šmatfunkcyjanalny partatyŭny IoT-roŭtar A1 Elegance 3G/4G Wi-Fi. Poŭny nabor!
Roŭtar možna vykarystoŭvać nie tolki dla kiravańnia «razumnym domam», ale i jak dvuchdyjapazonny maršrutyzatar Wi-Fi, što razdaje internet u samyja addalenyja kutki pamiaškańniaŭ. Hadžet abstalavany 3G/4G-modulem, jaki zabiaśpiečvaje reziervovy mabilny kanał pry aŭtamatyčnym pieraklučeńni pamiž režymami Wi-Fi i 3G/4G. Heta značyć, što pryładu možna vykarystoŭvać jak samastojny mabilny roŭtar tam, dzie nie praviedzieny fiksavany internet. A ŭ damach, padłučanych da sietki luboha pravajdera, — u jakaści ŭniviersalnaha roŭtara dla chatniaha internetu z padtrymkaj mabilnaha ŭ vypadku pierabojaŭ z elektryčnaściu abo fiksavanaj suviaźziu.
Usie pryłady vyrabiła českaja kampanija Perenio IoT spol s r.o.
Pieršym padklučajecca roŭtar — astatnija hadžety ŭžo sami pryviazvajucca da jaho. Usie pryłady adlustroŭvajucca ŭ mabilnym dadatku: praź jaho imi možna kiravać i sačyć, što adbyvajecca doma ŭ tvaju adsutnaść.
«U dadatku jość niekalki režymaŭ. Kali sychodziš z domu, uklučaješ «achovu». Viartaješsia — zdymaješ jaje, kab pryłady nie reahavali na ciabie, pakul ty ŭ kvatery znachodzišsia», — pakazvaje Jaŭhienija.
Na ŭvachodzie ŭ kvateru jana ŭstalavała na dźviery datčyk adkryćcia. Kali dźviery adčyniajucca, u telefonie adrazu źjaŭlajecca tryvožnaje čyrvonaje paviedamleńnie. U dadatku adlustroŭvajecca, kolki chvilin ci hadzin tamu dźviery adčynialisia apošni raz.
Datčyk ruchu reahuje na pieramiaščeńni ŭ peŭnym dyjapazonie.
«Kali niechta da ciabie zalezie, ty adrazu ŭbačyš. Ci možna sabaku kantralavać», — zaŭvažaje dziaŭčyna.
Jašče adzin datčyk — dymu — jana źmiaściła na kuchni i ŭžo pravieryła ŭ dziejańni.
«Učora kuryła kaljan pobač — jon adrazu zapiščaŭ, vielmi hučna», — zadavolena Jaŭhienija reakcyjaj hadžeta.
Što ŭ kvatery asabliva nieabchodna, dyk heta datčyk praciečak. Jaŭhienija tłumačyć: usia sprava ŭ modnym ramoncie. Zamiest dušavoj kabiny ŭ jaje — admysłovaja płatforma, biez bardziuraŭ. Vada ściakaje dziakujučy nievialikamu ŭchiłu.
«Tydzień tut usio raŭniali. Mnie kruty plitačnik trapiŭsia, — dzielicca dziaŭčyna. — Ale kali niechta budzie mycca hadzinu, a źliŭ zabjecca, to ŭsio paljecca na padłohu. Kali ciabie niama doma, taksama dobra mieć datčyk — roznaje moža adbycca».
U susiedziaŭ Jaŭhienii padčas ramontu zdaryłasia avaryja. Vyrvała ŭnitaz, usiu kvateru zatapiła — nastolki, što vada chłynuła praz vokny, liłasia z 14-ha paviercha.
«Ja na ŭsiaki vypadak zastrachavała žyllo, kab, kali što, i maje vydatki pakryli, i ramont tych, kaho zataplu».
U pakoi stajać dźvie kamiery. Praz dadatak možna hladzieć tranślacyju z doma. Zručna, naprykład, sačyć za hadavancami. Kali kamiera zaŭvažaje ruch, to ŭklučajecca zapis.
«U mianie ŭ žyvioł usiu noč viečarynka, i kožnuju chvilinu prychodzić apaviaščeńnie: «My zaŭvažyli ruch». Ja pračynajusia — u mianie bolš za 100 paviedamleńniaŭ», — uśmichajecca Jaŭhienija.
Skrynšoty z kamiery videanazirańnia: udzień i ŭnačy.
Dziaŭčyna źviartaje ŭvahu na važnyja niuansy, datyčnyja kamier.
«Pieršaje: zadumacca pra nabyćcio «razumnaha doma» lepš da ramontu. Kamiery ŭstaloŭvajucca pobač z razietkami, tamu važna heta praličyć. Druhoje: było b vielmi zručna, kali b možna było zachoŭvać videa nie na SD-kartu ci vobłaka, a naŭprost na telefon», — adznačaje minčanka.
Partatyŭnaja kałonka z hałasavym pamočnikam, jakaja taksama ŭvachodzić u nabor «A1 Razumny dom», maje šerah karysnych opcyj.
«Alisa kłasnaja. U jaje šmat funkcyj. Ja zvyčajna karystałasia budzilnikam, uklučała praź jaje razumnuju razietku, staviła muzyku. Alisa, uklučy Red Hot Chili Peppers, — pamočnik stavić nam Hello Hello! — Jość taksama opcyja, kali karystalniki mohuć prydumlać novyja navyki».
Partatyŭnuju kałonku možna brać z saboj u horad ci na pryrodu. Adzinaje — pa viartańni jaje treba budzie nanoŭ padklučać da wi-fi.
«U mianie susied ciapier ustaloŭvaje «razumny dom». U jaho tam rehulavańnie śviatła, techniki. Kaža: «Pa darozie dadomu ŭklučaju čajnik, prychodžu — ŭžo zakipieła». Za hetym 100% budučynia, — miarkuje Jaŭhienija. — Asabliva, što tyčycca takich fundamientalnych rečaŭ, jak kantrol praciečak, razietki. Ty možaš zekanomić kuču hrošaj na ramoncie».
Hladzieć ceny i paramietry hadžetaŭ «A1 Razumny dom»
