Navukoŭcy nazvali miescy z samaj vysokaj ryzykaj zaražeńnia karanavirusam
Virusołahi i imunołahi skłali rejtynh miescaŭ z pavyšanaj ryzykaj zaražeńnia karanavirusam, piša iz.ru.
Najbolš niebiaśpiečnymi miescami ekśpierty nazvali drenna vientylavanyja pamiaškańni. «Tut važna nie stolki samo pryznačeńnie pamiaškańnia, kolki toje, jak u im pracuje vientylacyja. Kali pavietra cyrkuluje drenna, niebiaśpieka budzie ŭ luboj zamknionaj prastory», — rastłumačyŭ kiraŭnik łabaratoryi hienomnaj inžynieryi MFTI Pavieł Vałčkoŭ.
Na druhim miescy ŭ rejtynhu apynulisia pamiaškańni, u jakich ludzi blizka majuć znosiny na praciahu doŭhaha pieryjadu času. U pryvatnaści, hramadski transpart, kramy i apteki kala doma, paviedamiŭ dyrektar Instytuta miedycynskaj parazitałohii, trapičnych i tranśmisiŭnych zachvorvańniaŭ Alaksandr Łukašoŭ.
Treciuju pazicyju ŭ śpisie najbolš niebiaśpiečnych miescaŭ zaniali bary, restarany i kłuby. Akramia taho, ekśpierty papiaredzili pra nieabchodnaść być aściarožnymi padčas naviedvańnia chramaŭ i hramadskich miescaŭ, u jakich ludzi zajmajucca aktyŭnaj dziejnaściu (fitnies-kłubaŭ, teatraŭ, kancertnych placovak).
