U ZŠA znajšli novuju mutacyju karanavirusa SARS-CoV-2
Navukoŭcy vyjavili, što novy mutantny varyjant karanavirusa SARS-CoV-2 raspaŭsiudziŭsia ź Jeŭropy ŭ ZŠA. Hetaja mutacyja pavyšaje imaviernaść zaražeńnia ludziej virusam, ale, chutčej za ŭsio, praciakańnie chvaroby zastajecca takim samym, miarkujuć aŭtary navukovaj pracy, piša CNN.
Kamanda navukoŭcaŭ praviała ekśpierymienty z udziełam ludziej, žyvioł i kletak, jakija pakazvajuć, što mutantnaja viersija sustrakajecca čaściej i źjaŭlajecca bolš zaraznaj, čym inšyja viersii.
Mutacyja ŭpłyvaje na reštkavy białok — strukturu, jakuju virus vykarystoŭvaje dla praniknieńnia ŭ kletki, jakija jon zaražaje. Zaraz daśledniki praviarajuć, ci ŭpłyvaje heta na mahčymaść kantrolu virusa z dapamohaj vakcyny. Sprava ŭ tym, što vakcyny, jakija testujucca ciapier, byli zrobleny z vykarystańniem bolš starych štamaŭ virusa.
Daśledčyki nazyvajuć novuju mutacyju G614, i jany adznačajuć, što jana amal całkam zamianiła pieršuju viersiju, raspaŭsiudžanuju ŭ Jeŭropie i ZŠA, pad nazvaj D614.
Da 1 sakavika 2020 hoda varyjant G614 byŭ redkim za miežami Jeŭropy, ale ŭ kancy sakavika jaho častata ŭzrasła va ŭsim śviecie. Daśledniki śćviardžajuć, što novaja viersija, imavierna, chutčej razmnažajecca ŭ vierchnich dychalnych šlachach — u nosie, pazuchach i horle.
