Stała viadoma, što za pryhažunia była na trybunie razam z Kolem Łukašenkam FOTA
Na śviatkavańni 3 Lipienia pobač z Kolem Łukašenkam i namienkłaturščykami zaŭvažyli čarhovuju maładuju pryhažuniu.
«Naša Niva» vyśvietliła asobu dziaŭčyny.
Heta Kaciaryna Humieniuk. 1 lipienia jana adśviatkavała svoj 22-i dzień narodzinaŭ.
Humieniuk tolki sioleta atrymała vyšejšuju adukacyju — skončyła Minski dziaržaŭny linhvistyčny univiersitet.
Paśla trapiła na respublikanski bal vypusknikoŭ — toj samy, dzie Łukašenka adplasvaŭ pad Taisiju Pavalij.
Kaciaryna rodam ź Pinska. Jaje mama tam žyvie i pa siońnia, pracuje ŭ miascovym mižrajonnym centry pa mietearałohii.
«Naša Niva» źviazałasia z žančynaj, kab spytać, ci hanarycca jana dačkoj, ale mama Kaciaryny čamuści kinuła słuchaŭku.
Sacsietki Kaciaryny — sełfi, niekalki fota z bojfrendam. Chłopiec, što cikava, taksama rodam ź Pinska, vučycca ŭ Minsku ŭ BDTU. Adkazvać na pytańni «Našaj Nivy» jon taksama nie zachacieŭ.
«Naša Niva» źviarnułasia pa kamientar i da samoj dziaŭčyny, ale Kaciaryna pakul što nie adkazała na zapyt.