«Akademkniha» prapanuje: padborka da dnia naradžeńnia Vasila Bykava
Kniharnia «Akademičnaja kniha» (pr. Niezaležnaści, 72).
19 červienia — dzień naradžeńnia Vasila Bykava. Sioleta Narodnamu piśmieńniku, jaki adyšoŭ ad nas u 2003-m, spoŭniłasia b 96.
«Akademkniha» prapanuje padborku vydańniaŭ da dnia naradžeńnia piśmieńnika.
Vasil Bykaŭ. Znak biady. Abielisk. Žuraŭliny kryk: apovieści
U knihu ŭvajšli apovieści «Znak biady», «Abielisk» i «Žuraŭliny kryk», jakija stali kłasikaj biełaruskaj litaratury.
Vasil Bykaŭ. Poŭny zbor tvoraŭ u 10 tamach
Heta pieršy ŭ historyi Poŭny zbor tvoraŭ Narodnaha piśmieńnika Biełarusi. Padčas układańnia tamoŭ najpierš uličvałasia dumka samaho aŭtara, jaki paśpieŭ spłanavać praśpiekt vydańnia svajho Zboru tvoraŭ.
Vasil Bykaŭ. Alpijskaja bałada. Pakachaj mianie, sałdacik
Vasil Bykaŭ — imia, viadomaje ŭva ŭsim śviecie. Jahonaja praŭda pra vajnu zaŭsiody nie prosta ŭražvała, jana — apiakała. Jahonaja hłybinia spaścižeńnia ŭźlotaŭ i padzieńniaŭ čałaviečaje natury ŭ našaj litaratury nie maje sabie roŭnych. U knihu Narodnaha piśmieńnika Biełarusi ŭvajšli apovieści «Alpijskaja bałada» i «Pakachaj mianie, sałdacik», u jakich zakranajecca tema vajny.
Vasil Bykaŭ. Sotnikaŭ. U tumanie
Što takoje čałaviek pierad źniščalnaj siłaj biesčałaviečnych abstavin? Na što jon zdolny, kali mahčymaści zachavać žyćcio vyčarpanyja da kanca i praduchilić śmierć niemahčyma? Vasil Bykaŭ znoŭ i znoŭ staviŭ hetyja pytani ŭ svaich tvorach, jakija ŭvajšli ŭ knihu.
Vasil Bykaŭ. Miortvym nie balić
Lohkaparanienamu małodšamu lejtenantu Leanidu Vasileviču daručajuć dastavić u štab troch pałonnych niemcaŭ. Paśla žorstkich bajoŭ, jakija pieražyli bajcy pad Kiravahradam, zadańnie padajecca im lohkaj prahulankaj. Kab ža viedaŭ bykaŭski hieroj, jakim piekłam abierniecca dla jaho hety šlach, naprykancy jakoha jon zrazumieje staražytnaje praroctva «Žyvyja pazajzdrościać miortvym»!
Praz dvaccać hadoŭ Vasilevič paznaje ŭ vypadkovym sustrečnym vinoŭnika svaich pakutaŭ, jakoha daŭno nienavidzić za podłaść i zdradu. Jany apynucca za adnym stolikam u minskim restaranie…
Vasil Bykaŭ sam mocna paciarpieŭ za apovieść ad cenzury, ahłabielnaj krytyki i palityčnaha pieraśledu. A jon ža prosta pisaŭ pra vajnu žorstkuju praŭdu.
Vasil Bykaŭ. Žoŭty piasočak. Vybranyja tvory
U knihu piśmieńnika ŭvajšli šedeŭry karotkaj prozy — prypavieści i apaviadańni.
Siarhiej Šapran. Vasil Bykaŭ. Historyja žyćcia
Hetaja kniha, pa sutnaści, — pieršaja sproba stvareńnia svojeasablivaj encykłapiedyi Vasila Bykava ci dakumientalnaha bijahrafičnaha letapisańnia narodnaha piśmieńnika Biełarusi. Siarod źmieščanych tut materyjałaŭ asablivuju cikavaść ujaŭlajuć nieviadomyja archiŭnyja dakumienty, rukapisy i epistalarnaja spadčyna V. Bykava (u tym liku frantavyja listy 1944—1945 hh.; listavańnie z A. Adamovičam, V. Askockim, V. Astafjevym, R. Baradulinym, I. Dziadkovym, V. Kavierynym, Ł. Łazaravym, V. Niakrasavym, A. Tvardoŭskim, časopisam «Novyj mir» dy inš.) z fondaŭ bolš jak dvaccaci dziaržaŭnych muziejaŭ i archivaŭ dy pryvatnych zboraŭ, a taksama artykuły ŭ pieryjadyčnym druku (pačynajučy z 1948 h.) i ŭspaminy (u tym liku Č. Ajtmatava, S. Aleksijevič, H. Bakłanava, S. Bykava, V. Bykavaj, H. Buraŭkina, B. Vasiljeva, M. Harbačova, I. Karpiuk, U. Niaklajeva, 3. Paźniaka, A. Piatkieviča, S. Šuškieviča, A. Jakaŭleva).
Pry padbory ilustracyjnych materyjałaŭ pieravaha addavałasia małaviadomym fotazdymkam V. Bykava, peŭnaja častka jakich drukujecca ŭpieršyniu.
Nabyć hetyja dy inšyja novyja vydańni i biestsielery možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
