Muzyka pandemii. Što my słuchali ŭ mai — najcikaviejšyja albomy miesiaca AŬDYJA
Vašaj uvazie tradycyjny ahlad najbolš cikavych, na naš pohlad, muzyčnych navinak minułaha miesiaca. Ciešyć, što apošnim časam va ŭsich našych padborkach znachodzicca miesca dla biełaruskaj muzyki.
UZARI - Say Wow
Juryj Naŭrocki praciahvaje svaje muzyčnyja ekśpierymienty, i paśla biełaruskamoŭnaj «Padziaki serca» zapisaŭ anhłamoŭny albom.
Vosiem niepadobnych adzin da adnaho trekaŭ, jakija pavinny stać saŭndtrekam vašaha leta.
Moby — All Visible Objects
Hety albom možna nazvać dziciom pandemii, bo byŭ zapisany ŭ chatniaj studyi.
Dydžej, jaki ŭ apošnija hady bolš viadomy jak viehan i aktyvist, sprabuje dekanstrujavać svaju muzyku. Heta spakojny, hłyboki i mirny albom, ale dosyć depresiŭny, niby chmary.
Charlie XCX — How I'm Feeling Now
Jašče adzin albom, što naradziŭsia va ŭmovach chatniaj izalacyi. Ale tut jašče cikaviej — u jakaści instrumientaŭ było vykarystana tolki toje, što było pad rukoj.
Na vyniki hety nie paŭpłyvała nijak, atrymaŭsia dosyć jakasny pop-albom.
Perfume Genius — Set My Heart on Fire Immediately
Amierykanski vykanaŭca Majk Adreas ŭ mai vypuściŭ svoj piaty solny albom, pieršy z 2017 hoda.
Pra pracu nad albomam Majk skazaŭ nastupnaje: «Ja zaŭsiody zapisvaju muzyku tolki ŭ svaim pakoi, błukaju pa im i na ścieny lezu. Nikoli ad hetaha nie stamlaŭsia, i pracavaŭ tolki soła. Dumaju, ciapier heta adčuvajecca ŭ muzycy».
Einstürzende Neubauten — Alles in Allem
Adzin z najbolš pavažanych i viadomych niamieckich hurtoŭ, čyju nazvu składana pračytać biez pamyłak, da svajho 40-hodździa vypuściŭ novy albom.
Hurt, viadomy vykarystańniem u jakaści muzyčnych instrumientaŭ niazvykłych rečaŭ kštałtu mietaličnych listoŭ, pryśviacili svoj novy albom rodnamu Bierlinu.
The 1975 — Notes on a Conditional Form
Čaćviorty albom The 1975 adkryvaje trek pramova Hrety Tunbierh, jakaja pakładziena na muzyčnaje supravadžeńnie. Mienavita Tunbierh stała pieršym zaprošanym artystam na albomie. Lidar hurta Mećju Chili nazvaŭ Hretu krynicaj natchnieńnia.
Hurt staŭ zvyšsurjoznymi, i ciapier prychilniki mučajucca ŭ dumkach, ci pasuje heta brytancam.
Donny Benet — Mr Experience
Nie, heta nie reinkarnacyja «Pieśniaroŭ», heta — novy reliz aŭstralijskaha muzyki i šoumena Doni Bene.
Źmieściva adpaviadaje vokładcy, aformlenaj ŭ styli pop-vykanaŭcaŭ 70-ch. Jašče adzin kandydat ŭ katehoryi «saŭndtrek leta».
Diplo — Diplo Presents Thomas Wesley Chapter 1: Snake Oil
Adzin z samych najbolš papularnych EDM-pradusaraŭ ŭ śviecie Diplo vypuściŭ prajekt «Diplo Presents Thomas Wesley, Chapter 1: Snake Oil», u jakim interpretuje kantry-muzyku.
Dydžej zajmaŭsia anansavańniem prajektu na praciahu apošnich niekalkich miesiacaŭ. «Ja viedaju, što heta smutny čas dla maich prychilnikaŭ. Mała taho, što hłabalnaja pandemija pierabudoŭvaje muzyčnuju industryju, tak jašče 73-j u śpisie najlepšych dydžejaŭ u śviecie vypuskaje kantry-albom … Heta biessensoŭna, ale heta najlepšy albom, jaki ja kali-niebudź vypuskaŭ. Ja abiacaju. Navat maje mama i tata kazali mnie pra heta «, — napisaŭ Diplo ŭ instahramie.
Lady Gaga — Chromatica
Adna z najbolš upłyvovych i viadomych vykanaŭcaŭ u śviecie prykancy maja vypuściła svoj novy albom Chromatica, jaki biez zatrymak pačaŭ rvać suśvietnyja čarty.
Lady Gaga viartajecca da čystaha tancavalnaha saŭndu, ź jakoha niekali pačynałasia skareńnie muzyčnych viaršyń.
A što vy słuchali z muzyčnych navinak?
Našy papiarednija ahlady:
