Lucasfilm pakazała novuju epochu «Zornych vojnaŭ»
Kinakampanija Lucasfilm pradstaviła novuju epochu «Zornych vojnaŭ», jakaja atrymała nazvu «Roskvit Respubliki» (Star Wars: The High Republic). Rolik raźmieščany na YouTube-kanale kinasahi.
Padziei adbyvajucca za 200 hadoŭ da pieršaha epizodu kinasahi. «Zornyja vojny: Roskvit Respubliki» — heta całkam novyja historyi piaci aŭtaraŭ», — havorycca ŭ apisańni da videa.
Jak adznačajecca, aŭtarami vystupili Kłaŭdyja Hrej, Džaścina Ajrłend, Daniel Chase Ołder, Kavan Skot i Čarlz Soŭł. Jany buduć rabić upor na novych piersanažaŭ.
Pieršyja knihi i komiksy pastupiać u prodaž na fiestyvali Star Wars Celebration, jaki projdzie ŭ Anachajmie ŭ žniŭni, paviedamlajecca na sajcie «Zornych vojnaŭ». Jany ŭvojduć u cykł «Śviatło džedajaŭ» (Star Wars: The High Republic: Light of the Jedi).
Aryhinalnaja tryłohija «Zornych vojnaŭ» režysiora Džordža Łukasa zaviaršyłasia ŭ 1983 hodzie. Tolki ŭ kancy 1990-ch jon navažyŭsia na pierazapusk franšyzy, źniaŭšy try filmy pra padziei, jakija papiaredničali dziejańniu pieršych troch epizodaŭ. U 2012 hodzie kampanija Łukasa Lucasfilm była nabyta adnoj z najbujniejšych suśvietnych kinastudyj Disney. U 2015 hodzie na ekrany vyjšaŭ film «Zornyja vojny. Epizod VII: Abudžeńnie siły», jakomu ŭdałosia sabrać z usiaho śvietu bolš za $2 młrd. U 2017 hodzie vyjšła karcina «Zornyja vojny. Epizod VIII: Apošnija džedai», jakaja sabrała $1,3 młrd, u 2019 hodzie — film «Zornyja vojny: Skajuokier. Uzychod» (Star Wars: Episode IX — The Rise of Skywalker).
